Saturday, December 27, 2008

حياه......ورقه.....شهاده

شهاده وفاه
لا اعلم من اين ابدا
ولماذا اصبحت كل كتاباتى حزينه
لربما هذا هو حال قلبى
لربما ما عاد يلمح قلبى غير لحظات الحزن
او لربما اصدق لحظات يمر بها المرء عندما يكون حزينا
وقفت امام المركز الطبى ورايت الام الحزينه تمسك بيدها ورقه
ورقه لا اعلم ما هى
وتبكى بكل حزن
تبكى من اعماق قلبها
تخرج الدمعه وكانها تسحب كل انفاسها معها
تنظر لتلك الورقه واشعر وكانها تتحدث اليها
وتقول لها
اين هو الان
تركنى بمفردى
لقد احبتته واحبه
تمسك الورقه بين يديها وتطلب منها ان تتحول لهذا الشخص الان
تود انا تاخذه بين احضانها بدلا من تلك الورقه الحزينه
انها
شهاده وفاه
نتحول بعد موتنا لورقه
ورقه يحملها اقرب الاشخاص الينا يعتصرون الما لفراقنا
شعرت بمدى حزنها فى تلك اللحظه
لحظه قد مررت بها
وشعرت بمدى الحزن
ما اصعب ان تفقد اقرب الناس الى قلبك
ما اصعب ان ينتهى وجودهم من حولك
وما اشد على نفسك ان تعود الى بيتك ولا تجد ابتسامتهم
لا تجد ضحكاتهم
حتى لا تجد دمعاتهم
كلما اتذكر منزلنا بدون ابى اشعر بكل هذه الاحاسيس
اشعر بان العالم قد اصبح فارغا
واشعر باننى بمفردى
لربما اكون مخطئه
ولكن هذا ما اشعر به بالفعل
وجودى هنا بمطروح يزيد من تلك الاحاسيس ومن تلك الوحده
ولكننى هنا افكر بعمق
اشعر وكاننى اعيد التفكير والتخطيط فى كل حياتى المقبله
اود ان اعيد ترتيب افكارى واهدافى
وكل ما اتمناه ان اجد هدفا اسعى لتحقيقه
فلقد صارت كل الاهداف ممسوخه دون اى قيمه حقيقيه
ربما تكون نظرتى حزينه تشائميه
ولكننى لا استطيع انكارها عن نفسى
لا استطيع نسيان كل ما مر بى
يقول كل من حولى الحل فى النسيان
لكننى احاول ولا استطيع
يقولون اننى لا احاول
كيف لك ان تمحو اياما وشهورا وسنينا من عمرك
هل هى ازره نضغط عليها كما افعل الان عندما اكتب
؟
؟
مشاعرى واحاسيسى ليست تحت سيطره الازره
وليتها كانت تحت سيطرتها
خرجت عن نطاق ما كنت اتحدث عنه
شهاده الوفاه
لقد تاملت تلك الام الحزينه
فبعدما تسلمت شهاده الوفاه وبكت بدموع حارقه
اخذت طريقها للعوده
تحمل فى يديها اكياس بها طعام
هنا قلت
الحياه تستمر
نعم تستمر
ولكنها حياه ممسوخه
حياه بلا لون
بلا احساس
حياه لا نعلم اين ستاخذنا
لا اعلم لماذا وصل بى الحال لتلك الدرجه
لا استطيع ان استمر
اتمنى ان اخرج من تلك الدائره المغلقه
ادعو الله ان يخرجنى منها
فلم اعد ارى اى بصيص نور
احاول ان اقول لنفسى
كلما ضاقت حلقاتها فرجت وظننت انها لن تفرج
لربما الفرج قريبا منى
اتمنى ان اعود كما كنت
فحتى كتاباتى لم تعد كما كانت
واصبحت عينى دائما الاقرب لها هى الدموع
ادعو الله عزوجل ان ياخذ بيدى
واكسر هذه الزجاجه التى تخنق انفاسى
فهل ساجد الاداه المناسبه لكسرها
؟
؟
؟

Thursday, December 11, 2008

يونس ...الحريه...حلم

يونس ....الحريه
عندما سمعت اغنيه من اغانى منير بدات فى التفكير
اغانى منير دائما ما تاخذك لعالمها الخاص
تجعلك فى دنيا اخرى غير دنيانا
دنيا من صنعه هو وحده
وصنع شعرائه
تعالوا نسمع
جاى من بلادى البعيده
لا زاد ولا ميه
وغربتى صحبتى ...........بتحوم حوااااااااااااااليا
وانتى تجوليلى............ بحبك
تحبى ايه فياااااااااااااااااااااااااااا
وده حب ايه ده الى من غير اى حريه
الاغنيه سياسيه
مش اغنيه حب ومشاعر
دى اغنيه بتتكلم عن الحريه
تفتكروا ايه معنى الحريه؟؟؟؟؟؟؟؟؟؟؟؟
قعدت افكر كتير يا ترى ايه معنى الحريه
هل ان الواحد يعمل كل شئ مباح او غير مباح
طيب هو المباح والغير مباح مين بيحط قواعده؟؟؟؟؟؟؟؟؟؟؟؟؟؟؟؟؟؟
هل الاهل
ولا العرف والتقاليد
ولا
ايوه
الدين
الدين هو الى بيحط قواعد المباح والغير مباح
هو الى بيحط قواعد الحريه وحدودها
ايه ده
؟
؟
؟
هو الحريه ليها حدود
؟؟؟؟؟؟؟؟؟؟؟؟؟؟؟؟؟؟
امال حريه ازاى؟؟؟؟؟؟؟؟؟؟؟؟
اسئله كتيره بتيجى فى الذهن اول لما نذكر كلمه حريه
اوقات كتيره نعتقد ان حريه يعنى حياه وتصرفات بلا قيود
بلا حدود
بس ده تفكير خاطئ
ناس كتيره اوى بتدى الحريه لنفسها فى كل شئ
وتمنعه عن غيرها
عندها ميزانين
ميزان ليها
وميزان للاخرين
لو اتكلمت عن فلان يبقى عادى وانت مش قصدك شئ وحش وبتناقش موضوع معين
ولو غيرك اتكلم عن حد يبقى انسان مش كويس وعايش على النميمه
ليه دايما بندى الحق لانفسنا فى حاجات كتيره اوى واول لما بنشوفها فى الاخرين ننتقدها؟؟؟؟؟؟؟؟
عموما مش هو ده الموضوع الى كنت عايزه اناقشه
انا كنت جايه فعلا اتكلم عن الحريه
معنى الحريه
يا ترى اخوانا فى فلسطين مثلا حاسين بحريه؟؟؟؟؟؟؟؟؟؟
طيب خلينا فى نفسنا ونقارن بينهم
هل احنا كمصريين حاسين بالحريه؟؟؟؟؟؟؟؟؟؟؟
طيب هما عندهم الاحتلال الصهيونى
لو حسوا ان فى قيود حواليهم فده طبيعى
كل الى حواليهم يهود وكفره
تعذيب واهانه واهدار للكرامه ونهب لحقوقهم
ما تيجى هنا فى مصر
ليه مش حاسين بالحريه؟؟؟؟؟؟؟؟؟؟؟؟
هل فى احتلال صهيونى؟؟؟؟؟؟؟؟؟؟
فى رايى احنا عندنا انواع كتيره جدا من الاحتلال
ومن ضمنهم بردوا الاحتلال الصهيونى
بس الفرق بينا وبين فلسطين
ان كلمه احتلال عندهم واضحه وصريحه ادام كل الدنيا
لكن عندنا الموضوع مختلف
كله متغطى
والحدق يفهم
وماشاء الله شعب مصر مشهور بالحداقه
بيفهم ممكن جدا
لكن يتصرف ويتغير صعب
وصعب جدا
مش عارفه هيفضل حالنا كده لامتى؟؟؟؟؟؟؟؟؟؟؟
سؤال كل لما بساله لنفسى مش بلاقى اجابه مريحه ولا مقنعه
بلاقى اجابات كلها ممكن تحبطنى
بس برجع وبقول الخير من الله والشر من انفسنا
مشكلتنا هى انفسنا
لو صلحنا احوالنا مع الله ومع نفسنا الدنيا هتتصلح
الدنيا عباره عن مجموعه اشخاص بيملكوا مجموعه مبادئ وافكار وصفات وطباع
لو صلحوا الناس هتصلح الدنيا
انت لازم عشان تعيش فى مجتمع حر لازم انت تتحرر الاول
احنا مش فاهمين معنى الحريه ولا حدودها
لان حدودها خلاص تاهت
تاهت فى وسط زحمه حياتنا
بقى كل واحد فينا حاطط لنفسه حدود
كل واحد له حريه مختلفه
كل واحد بقى له مبادئه الخاصه بيه
ومقتنع انها افضل المبادئ وكل الى حواليه مختلفين
ومعتقد ان كتير منهم غلط
ناس تقولك خروج البنت فى فسحه غلط
وناس تقول حرام
وناس تقول قله ادب
وناس تقول حقها
وناس وناس
صدقونى الموضوع بقى هيصه
كل واحد بقى مقتنع بالى جواه ومعندوش استعداد يحاول يدور على الصح
يدور على الحقيقه
الحقيقه تاهت وغابت
عشان كده الحريه بقت مزيفه
بقت مشوه
مبقاش فى حريه حقيقيه
بقت مسخ للاسف
عشان احنا اتحولنا لمسخ
الا من رحم ربى
بحلم بشمس يوم تتولد فيها الحريه
حريه حقيقيه
مش حريه مزيفه زى الى احنا بنعيشها
ويبقى الحلم
الحريه

Saturday, December 6, 2008

تاملات فيما سبق من اشهر حياتى

السلام عليكم ورحمه الله وبركاته
جئت لانفض التراب عن مملكتى
ارى التراب هنا وهناك
اعلم انه لم يدخلها احد الفتره السابقه
لا اعلم لماذا ابتعدت عنها كل هذا الوقت
ربما لمرور كثيرا من الاحداث وكلها مؤلمه
لاول مره بعد وفاه والدى استطيع كتابه الكلمات هنا
العاشر من رمضان
كانت ليله طويله
لن انساها
كنت اعلم يومها انه سيتركنى ويرحل
اعتصر قلبى اياما واياما
اعتصر منذ علمت بمرضه
كنت كلما مر يوم اسال نفسى هل سيفارقنى اليوم
حتى اتى ذلك اليوم الذى لن انساه
ولن انسى كل احداثه
لن انسى الصراع الذى عشته فى تلك الليله
اقوم بدورى وكاننى طبيبه
وقلبى يعتصر لاننى ابنته
يكفى اننى وضعت سماعتى على قلبه وعلمت انه قد توقف
كنت اتمنى سماع ولو نبضه واحده
كنت ابحث عن امل
وجهاز ضغطى لا يعطى اى ضربات
وقتها كسر قلبى
وشعرت بان كل الحب والامان قد انتهى من العالم بفراقه
ومنذ ذلك الوقت وانا اشعر باننى احيا وحيده فى هذا العالم
لدى الكثير والكثير من الاصدقاء
ولكن
هو كل شئ
هو حبا وقلبا لن اقابله مره اخرى
لم يكن مجرد اب
بل كان اب واخ وصديق وقدوه وحبيب
كان كل الدنيا
وعندما رحل
اخذ معه الدنيا
لم اكن اعلم اننى احبه كل هذا الحب
ربما خلق الحب فى قلبى له وحده
كنت انوى كتابه اكثر من ذلك
ولكن توقفت الكلمات وبدات الدموع
لذا ساتوقف
فلن ينتهى فيض مشاعرى وحبى له
رحمك الله يا ابى وغفر لك ما تقدم من ذنبك وما تاخر وجمعنى بك فى جنته فى الفردوس الاعلى
احبك يا ابى
افتقدك
اشتاق لرؤيتك وتقبيلك
وداعا ابى