فى رحاب ايه 1

السلام عليكم ورحمه الله وبركاته

*********************

بعد غياب تلت ايام عن المملكه والنهارده تالت يوم فى رمضان

يااااااااااااااااااااااااااااااااااه بيعدى بسرعه اوى

بيجرى يا جماعه

اكتر شهر بحس انه بيجرى

كنت وعدتكم ان اذن المولى انى هعمل فى رحاب ايه

وادينى بحاول اوفى بوعدى ليكم

جايه انا وسوره البقره

طبعا انا مش مفسره للقران ولا اهل لشئ زى ده

وقلت ان دى مجرد دروس مستفاده

او بمعنى ادق

اسئله واستشعارات ايمانيه

ونفحات بتحس بيها اول لما تقرى الايات الكريمه لسوره البقره

فعلا وانت بتقرى الورد اليومى تمعن فى الايات هتحس كل مره بشئ جديد

هو ده القران

كل ما تعلق قلبك بيه

كل ما حسيت بمعانى جديده

انا هتكلم عن الى حسيته اول لما قريت الايات دى

بسم الله الرحمن الرحيم

"ان الذين كفروا سواء عليهم ءانذرتهم ام لم تنذرهم لا يؤمنون

ختم الله على قلوبهم وعلى سمعهم وعلى ابصارهم غشاوه ولهم عذاب عظيم

صدق الله العظيم

فى بدايات سوره البقره وانا بقرا الايات دى حسيت بحاجه غريبه اوى

ايه العند والكبر ده كله

ياااااااااااااااااااااااااااااه تقول زى ما تقولش

تنذرهم او متنذرهمش

سبحانك يا ربى

فى فعلا ناس كده

تقعد تحذرهم وتقولهم وتجيب ادله وبراهين ومليون شئ ياكد كلامك

ويمكن تجيب حد افضل منك مليون مره وتسمعهم كلامه ورايه

لكن مفيش فايده

عنااااااااااااااااااااااااد رهيب

نسوا ان عنادهم مش بيضر اى حد غيرهم

بس لو كملنا الايه الى بعدها هنفهم السر

ما هو خلاص

اتختم على قلوبهم

يااااااااااااااااااااه الواحد جسمه بيقشعر

تخيل القلب ربنا يختم عليه

يعنى لا يحس ولا يستشعر اى ايمانيات ولا اى شئ

خلاص

قلوبهم يا جماعه ربنا قفلها

هل الحجر ممكن يحس

استحاله خلاص لانه فاقد للروح والحياه ولا يملك قلب

لا مش بس يا جماعه اتختم على قلوبهم

لا

وكمان اتختم على سمعهم

يعنى مش بيسمعوا

ازاى اصلا تقدر تلوم واحد فاقد لحاسه السمع على عدم استجابته لكلامك

وكمان اتختم على ابصارهم

يعنى ولا حتى بيشوفوا

لا حول ولا قوه الا بالله

تخيل ان اهم حواس فقدها الانسان

السمع والبصر والحس

يااااااااااااااااااااااااااه

بس يا جماعه فى سؤال بيفرض نفسه

ليه ربنا ختم على قلوبهم واسماعهم وابصارهم؟

هل مرحله الختم دى بتيجى كده مره واحده؟

مثلا لمجرد ذنب اتعمل وخلاص؟

امتى توصل لمرحله انك يتختم على قلبك وسمعك وبصرك؟

اصل خدوا بالكم

دى مرحله بلا رجعه

يعنى خلاص المساله كده هتبقى انتهت

مرحله الختم والاغلاق دى بتيجى نتيجه التمادى فى الذنوب والمعاصى

بتيجى نتيجه الكبر والغرور والعناد المستمر

بتيجى نتيجه التصميم على البعد عن ربنا

اذيه العباد بشتى الطرق

تراكم الذنوب

ذنب فوق ذنب فوق ذنب

القلوب بتتحول لكتله سوداء

الاذان بتصم

الابصار بيبنى ادامها حائط اسود يحجب عنها الرؤيه

وكمان

نسيان الاخره والعقاب

نسوا الله

فانساهم الله انفسهم

المرحله دى مش شئ بسيط ولا هين

ربنا مش بيعاقب بدون نذير

لو بصينا فى القصص الى قراناها هنلاقى ان ربنا ماهلكش اى قريه

الا لما بعت لها نذير

لازم الاول ينذر ويحذر ويعرف

لكن لو تمادوا وعاندوا

بيوصولوا بانفسهم للهلاك

ربنا رحمته واسعه جدا طبعا

لكن عقابه كمان موجود

ده بيخلينى اقول لنفسى

مهما كانت الرحمه ففى عقاب

لازم الواحد ميتماداش فى الذنب والمعصيه

والحجه ان ربنا غفور رحيم

فعلا ربنا غفور رحيم

واحنا مش هندخل الجنه باعمالنا ولكن برحمته عزوجل

لكن فى نفس الوقت

اوعوا تنسوااااااااااااااااااااااااااااااااا

العقاب موجود

النار موجوده

بلاش نوصل لمرحله اننا يتختم على قلوبنا وسمعنا وبصرنا

يا جماعه مرحله صعبه

لو حاول العقل تخيلها بجد هيراجع نفسه قبل اى قول او فعل

احنا دلوقتى فى الشهر الكريم

نحاول نتوب لله توبه نصوحه

نراجع انفسنا مره اخرى

نحاسب انفسنا قبل ان نحاسب

بلاش نوصل لمرحله

رب ارجعون

بلاش نوصل لمرحله ختم الله على قلوبهم وعلى سمعهم وعلى ابصارهم

مش عايزين القلوب تصدى والاذان تتسد والعيون تفقد الرؤيه

وخدوا بالكم

البصر مش بس بالعين

لا

فى حاجه اسمها البصيره

بسم الله الرحمن الرحيم

قال رب لم حشرتنى اعمى وقد كنت بصيرا

قال كذلك اتتك ءاياتنا فنسيتها وكذلك اليوم تنسى

صدق الله العظيم

يعنى هتحشر يوم القيامه اعمى وانت اصلا فى الدنيا بتشوف

لان العمى هو عمى الاحساس والقلوب وليس عمى العيون

اللهم انر بصائرنا

اللهم ارنا الحق حقا وارزقنا اتباعه

وارنا الباطل باطل وارزقنا اجتنابه

اللهم لا تسلط علينا انفسنا

اللهم لا تكلنا لانفسنا طرفه عين

اللهم اجعل قلوبنا معلقه بحبك

اللهم لا تزغ قلوبنا بعد اذ هديتنا

اسفه لو كنت اطلت عليكم وانا بذكر نفسى واياكم بكل كلمه قلتها لانى فعلا محتاجه التذكره اكتر منكم

القاكم على كل خير باذن الله