السلام عليكم ورحمه الله وبركاته
*******************
كل سنه وانتم طيبين وبالف خير
رمضان كريم
النهارده اعلنت دار الافتاء المصريه ان غدا المتمم لشعبان وباذن الله رمضان هيكون يوم الخميس
اول يوم صيام لينا يوم الخميس
اجمل شئ اننا كلنا هنصوم مع بعض
الدول العربيه غالبا متفقه معانا السنه دى
احساس جميل جدا ان كلنا نصوم مع بعض فى نفس اليوم
الاجمل هو احساس رمضان
يااااااااااااااااااااااااااه اللهم بلغنا رمضان
بجد شهر خير وبركات
شهر غسيل للنفس من ذنوبها ومعاصيها
محاوله لتدريب النفس على ترك المعاصى والشهوات
معسكر بتخرج منه انسان جديد لو اخلصت النيه لوجه الله تعالى
حقيقى نفسى كلنا نجدد نوايانا ونخلص النيه ونعقد العزم على اننا نكون اشخاص جديده
قلوب جديده
طاعات جديده
نفسى كمان كلنا ندخل الشهر وده وقلوبنا صافيه وشفافه
مش شايله اى لو ن تانى
مش عايزين غير لون اللبن فقط
اى لون تانى عايزين نغسله كويس ونمحيه
عايزين نسامح اى حد
حتى لو كان غلط فينا او ظلمنا
رب العباد بيغفر ويسامح
عايزين نحاول نغفر ونسامح احنا كمان
بجد اى كلام عمره ما هيوصف مدى سعادتى بالشهر الكريم
حاسه ان فى حاجات كتير هتتغير فى حياتى الشهر ده
دايما شهر رمضان مميز بالنسبه لى
رمضان السنه الى فاتت انا فاكراه كويس جدا
دايما شهر رمضان مرتبط باحداث لها علامات فى حياتى
ويمكن السنه الى فاتت حصل حدث فى حياتى
حدث اثر فيا كتير
الحمد لله على كل شئ
بفكر باذن الله تعالى كل يوم انزل بوست
يتكلم عن تفسير ايه او حديث
او مش تفسير بالمعنى لانى مش اهل انى افسر او اكتب تفسير
وكمان مش بحب اكون بغبغان ينقل من كتاب مثلا
لكن حابه يكون الموضوع عباره عن
فى رحاب ايه او
فى رحاب حديث
احساسك ايه وانت بتقرى الحديث ده او الايه دى
ايه الدرس المستفاد منه
ازاى نربطه بحياتنا اليوميه
فكره بقالها كتير جدا بتراودنى
ارجو من الله عزوجل يبلغنا رمضان واقدر انفذها والظروف والوقت يساعدونى
لان للاسف ظروف شغلى ممكن تمنع
بس املى فى الله كبير انى اقدر ويكون وقت دخولى النت بحسنات
لعل وعسى تكون الموضوعات دى شاهد ليا يوم القيامه
ويستفيد بها الى هيقروها هنا فى المدونه
انا عارفه ان عدد الزوار قليل
بس حتى لو واحد كفايه عليا اوى
كفايه لانى طولت عليكم اوى
اخر حاجه عايزه اقولها
اننا مننساش الدعاء
الدعاء لانفسنا ولاخواننا فى كل مكان
ومننساش ختم القران باذن الله
اللهم بلغنا رمضان
اللهم اجعلنا من عتقاء النار
اللهم اجعله مغفره ورحمه لنا
اللهم اخرجنا منه اناس اخرون بنفوس شفافه وقلوب متعلقه بحبك وبكتابك الكريم
اللهم انصر اخواننا المجاهدين فى كل مكان
اللهم حرر اقصانا
كل سنه وانتم طيبين
وانتظروا
فى رحاب ايه
فى رحاب حديث
15 comments:
كل سنة وأنتى طيبة برمضان أعاده الله عليكى وعلينا وعلى جميع المسلمين باليمن والخير والبركة يارب ناخد النية كلنا ونصوم ونصلى باخلاص والله عن تجربة بحس فى حاجات فى رمضان عمرى ما بحسها طول السنة بحس ان ربنا معايا أوى أوى وأنى فرحانة و..و.. وحاجات كتير يعجز الكلام عن وصفها عشان كده بادعى اللهم بلغنا رمضان وأعنا فيه على الصيام والقيام وأن يتقبل منا الدعاء ويمكن دى أول مرة أشوف البلوج بتاعتك بس بجد بلوج حلوة وفرحت أوى بالبوست بتاع رمضان لأنى حسيت من كلامك أنك حسة بالضبط باللى أنا حسة بيه وأتمنى أنك تزورينى فى البلوج بتاعتى المتواضعة وأسفة أنى طولت عليكى ورمضـــــان كـــــــريـــــم
اختى الحبيبه مشمشمه
اولا كل سنه وانتى طيبه وبالف خير
رمضان كريم علينا جميعا
حبيبتى انتى مطولتيش ولا حاجه
وجودك اسعدنى اوى
نورتى المملكه وباذن الله ازور مدونتك
وفعلا نفسى رمضان يكون رمضان جديد علينا كلنا
ونكون من عتقائه ومن المغفور لهم فيه
وفعلا بحس باحاسيس رهيبه فى رمضان ملهاش وصف
اللهم بلغنا رمضان
اللهم بلغنا رمضان
السلام عليكم ورحمة الله وبركاته
كل سنه وانتى طيبه يا اختى الدكتوره اسماء واسرتك بخير واهل اسكندرية ومصر والدول العربيه والاسلامية بخير وسلام
انا علقت على التاج واشكرك كمان مره على استجابتك الكريمة للتاج وكان لي هناك سؤال اتمنى اعرف اجابته
وشكرا لتواجدك فى شهر رمضان على المدونه وفى انتظااااار فى رحاب ايه او حديث.ربنا يكرمك ويفتح لك من نوره ما ينير به قلبك وعقلك
رمضان كريم
Great posting, thank you!
Have a good day
Alive Egipto and alive NASSER
15/1/1918-28/9/1970
David Santos
سمسمه
كل سنه وانتى طيبه يا جميل
رمضان كريم
الله ينور بجد كلام رقيق جدا وتقشعر له الاجسامربنا يجعلنا من عتقائه من النار
السلام عليكم ورحمه الله
اولا اعتذر عن تاخيرى فى الرد عليكم اخوتى فى الله لانى النت مكنش شغال عندى وكمان ظروف الشغل وتعبى الحمد لله
كل سنه وانتم بالف خير
ورمضان كريم علينا جميعا
اخى \الباحث
جزاكم الله خيرا اخى وكل سنه وحضرتك طيب
انا رديت على سؤالك الى فى التاج دلوقتى
واتمنى يكون كل اهل اسيوط وكل الاسره بخير حال
ورمضان يكون شهر مليئ بالطاعات
ويجعلنا من عتقاء النار باذن الله
my brother david santos
thanks tooooooo much for your caring and your reply here in my blog
and i'm so sorry as i came late to reply u
but it is out of my hands
thanks= gazak allah khayran
but in arabic
:)
رضوى حبيبتى
كل سنه وانتى طيبه وبالف خير
وحشانى جداااااااااااااا
احبك فى الله يا رضوتى
اخى محمد عبد الجليل
جزاك الله خيرا على مرورك الكريم
كل سنه وحضرتك طيب
ويارب يجعلنا من عتقاء النار فى هذا الشهر الكريم
انرت المدونه بمرورك
كل سنه وانت طيبه يا حبيبتى
كل عام وانتم بخير
والى الله اقرب
وعلى طاعتة ادوم
والى فعل الخيرات اسبق
امى الحبيبه
كل سنه وانتى بالف خير
وحشتينى جداااااااا
يارب يجعلنا من عتقاء النار ويحفظك ويحفظ اخواتى البنات ويسعد ايامك يارب
اخى القسام
كل سنه وانت طيب وباذن الله ربنا يجعلك من عتقاء الشهر الكريم
ويجعلنا جميعا من اهل الجنه وفى صحبه رسولنا الحبيب محمد صلى الله عليه وسلم
وجزاك الله خيرا على دعائك ليا
انرت المدونه اخى
Post a Comment