السلام عليكم ورحمه الله وبركاته
النهارده فى رابع يوم من رمضان
يااااااااااااااااااااااه حاسه ان رمضان بيجرى جدا جدا جدا وانا بحاول الحقه
كل يوم بيعدى فى صلاه التراويح بحس انى بتغسل من جوايا
اد ايه احنا محتاجين القرب من ربنا
اد ايه محتاجين الصلاه فى المسجد
الصلاه لها طعم تانى واحساس تانى
بتبقى حاسس انك فى بيت ربنا
يااااااااااااااااااااه شعور عالى اوى اوى
وبتحس ان ايمانك بيزيد وخشوعك بيزيد
بتحس ان قلبك مع الله
بتحس انك رميت كل هموم الدنيا بين ادين ربنا فى الصلاه
ويبدا الامام بقراءه الفاتحه
ياااااااااااااااااه
تحس انك فى كل ركعه بتركز مع كلمه
النهارده قلبى دق جامد اوى وهو بيقول اهدنا الصراط المستقيم
حسيت انى بنطقها بكل قلبى وجوارحى
يارب اهدنا الصراط المستقيم
يارب نور لنا طريقنا وخلينا نشوف الطريق الصحيح
فى كل ايه ودعاء بداخل ايات القران الكريم قلبك يبكى
ويدعى
تحس انك فى دنيا تانيه وعالم تانى
مش بتبقى عايز الصلاه تخلص
عايز تفضل تصلى وتصلى وتسمع القران
اد ايه القران جميل اوى اوى
اد ايه الايات لما الواحد يحسها ويسمعها بقلبه بتحس بفرحه ما بعدها فرحه
حقيقى لازم نسمع القران بقلوبنا وليس باذانا
وفى كل مره بتسمع فيها الايه حتى لو كنت سمعتها قبل كده
بتحس ان الايه مختلفه فى وقعها عليك وعلى قلبك وعلى احساسك
فى كل مره تحس فيها معنى جديد
وما بين الاربع ركعات فى التراويح يتكلم الشيخ النهارده عن ذكر الله
اذكرونى اذكركم
ياااااااااااااااااااااااااه
لو ذكرت ربنا ربنا هيذكرك
لو خليت ربنا فى قلبك طول الوقت هيفضل فاكرك طول الوقت
افتكر ربنا فى السراء قبل الضراء
وحكى قصه الصحابى الى كان قاعد بيذكر الله فى زاويه من المسجد
وفى الوقت ده كان الرسول صلى الله عليه وسلم بيوزع الهدايا على الصحابه بعد الغزوه
الصحابى كان بيذكر الله ومش بيفكر فى اى شئ
ولا بيدور على اى شئ
نسى الدنيا لانه تعلق قلبه بذكر خالق الدنيا
الله
انصرفوا جميعا ونسى الرسول صلى الله عليه وسلم يدى هديه للصحابى ده لان محدش شافه
لكن الله العلى الكبير
السميع البصير
شايفه وعالم بحاله
انصرف قلبه عن الدنيا بذكر خالق الدنيا
فذكره خالق الدنيا
بعث الله سيدنا جبريل عليه السلام لسيدنا محمد صلى الله عليه وسلم
وذكره بانه نسى يدى الهديه للصحابى
فبعث الرسول صلى الله عليه وسلم فارس ومعاه الهديه للصحابى
ولما سئله الصحابى كيف علم الرسول صلى الله عليه وسلم
فقاله ان الله بعث سيدنا جبريل عليه السلام
فرفع ايده للسماء وحس اد ايه ذكر الله ثوابه كبير
وان من يذكر الله يذكره
ذكر الله ونسى الدنيا فذكره الله وبعث له ما عزفت نفسه عنه
وفضل الصحابى مداوم على ذكر الله طوال عمره
لانه فهم وعرف فضل ذكر الخالق العلى الكبير
الله عزوجل
الا بذكر الله تطمئن القلوب
فعلا ذكر الله عزوجل يطمئن القلوب ويدخل فيها السكينه
اللهم اجعل افئدتنا معلقه بحبك وبذكرك
اللهم اهدى قلوبنا لما فيه طاعتك ورضاك
واجعل كل جوارحنا فى عبادتك وطاعتك وسخرها لخدمه عبادك يا ارحم الراحمين يالله
ارحم ضعفنا وضعف نفوسنا واغفر لنا زلاتنا وخطيئاتنا
انك انت الغفور الرحيم
وصلى اللهم على سيدنا محمد وعلى اله وصحبه وسلم تسليما كثيرا
