كل سنه وانتم طيبين .. رمضان كريم

السلام عليكم ورحمه الله وبركاته

كل سنه وانتم طيبين وبالف خير

غبت كتير اوى عن المدونه

بس غصب عنى

ظروف كتيره اوى فى حياتى هى السبب

الحمد لله على كل شئ

النهارده تانى يوم فى رمضان

يااااااااااااااااااه واضح انه جاى يجرى وبسرعه اوى

فى ثوانى يومين عدوا علينا

يا ترى رمضان السنه دى هنعمل شئ جديد؟

يا ترى هنكون من عتقاء النار؟

يا ترى هنقدر نتغلب على نفسنا ونقومها ونعلمها ادب التواصل مع الله؟

اسئله كتيره اوى مرت بنفسى

نفسى فى حاجات كتيره اوى تتحقق السنه دى

نفسى اقرب من ربنا اكتر

نفسى انول رضاه وعفوه ومغفرته السنه دى فى رمضان

نفسى اغسل كل جزء جوايا من اى معصيه

نفسى اكون انسانه جديده السنه دى

حاسه بشوق جوايا لكل العبادات الى فى رمضان

صلاه تراويح وتهجد وقراءه قران وسماع برامج دينيه

الدعاء فى رمضان له طعم تانى

طعم مختلف

بتحس انك بتدعى بكل قلبك وجوارحك

بتحس ان ليك دعوه لا ترد

للصائم دعوه لا ترد

يا ترى كل واحد فينا خصص دعوات لرمضان السنه دى؟؟؟؟

يا ترى كل واحد فينا راجع نفسه فى رمضان السنه دى

وحط ايده على اكبر معاصيه وذنوبه وحاول يقلع عنها فى رمضان

حاجات كتيره اوى بتدور جوايا فى تانى يوم من رمضان

خايفه يخلص وانا لسه زى مانا معملتش شئ جديد

ولا حسنت من نفسى وقربت من ربنا

يارب ادعوك بكل قلبى وجوارحى ان تغفر لى وترضى عنى

اللهم انك سميع قريب مجيب دعوه الداعى

ادعوك يا ارحم الراحمين ان تشفى ابى وامى وكل مرضى المسلمين

ادعوك يا الله ان تغفر لى ذنوبى وخطيئاتى وتجعلنى من عتقاء الشهر الكريم

اللهم اهدنى واعفو عنى وارضى عنى

يارب انت تعلم ما فى نفسى

فارزقنى ما اتمنى

ليس لى سواك الجا اليه فتقبل دعواتى واغفر ذلاتى واهدنى بهداك

واخر دعوانا ان الحمد لله رب العالمين

وصلى الله على سيدنا محمد وعلى اله وصحبه وسلم تسليما كثيرا