السلام عليكم ورحمه الله وبركاته
********************
بقالى فتره مكتبتش حاجه
يمكن لضيق الوقت
ويمكن لانى بمر بظروف صعبه
ويمكن لان مفيش شئ لاقيته يستاهل انى اكتب عنه
النهارده بقى انا شايفه ان الى هتكلم عنه شئ يستاهل جدا
غزه
فلسطين
العروبه الضائعه
اسرائيل
الظلم
الطغيان
الجبن
الطمع
دى مسميات عماله تتردد على اذانى وانا جايه اكتب بوست زى ده
هدخل فى صلب الموضوع
اولا مش جديد علينا الى بيحصل فى فلسطين
يا سبحان الله
كلمه وجعتنى جدا وانا بكتبها
لدرجه دى بقى الى بيحصل عادى وطبيعى واتعودنا عليه
زى بالظبط الى كل يوم بيتضرب اول ما يقوم من النوم
اعتقد لو استمر الوضع ده لسنين
لو جه فى يوم ومتضربش
هيحس ان فى حاجه غلط
لانه جسمه خلاص اتعود على كده
يا ترى احنا كعرب اتعودنا ان الى بيحصل فى فلسطين بقى عادى وطبيعى
بقى هو ده الروتين اليومى
انهم يتضربوا ويتعذبوا
انهم يحاصروا ويجوعوا
انهم يشردوا
انهم يتقطع عنهم الكهربا والماء ويمكن لو قدروا يقطعوا الهوا كمان كانوا قطعوه
لدرجه دى راحت نخوتنا وعروبتنا فى الارض
لالالالالالالالالالالالالالا
دى بقت تحت الارض
ونيجى بقى لاخر الاحداث
غزه محاصره
غزه مقطوع عنها الكهربا والوقود والغذاء وكل شئ
يلا اليهود عايزين يبيدوهم
ما يموتوا ونخلص بقى بلا وجع قلب (على لسان اليهود يعنى)يااااااااااااااه
طيب خبر بيقول الفلسطنييين كسروا الحصار
او يعنى شبه كسروه
ازاى ؟؟؟؟؟؟؟؟؟؟؟؟؟؟؟
اصلهم كسروا الحائط الى على الحدود معانا
مع مصر يعنى
طيب وبعدين
تدفقوا طبعا
باحثين عن الطعام والشراب والدواء
ماهو الى البركان لازم ينفجر فى يوم
لازم يخرج من الفوهه
مش هيفضل مدفون وساكن طول الوقت
يااااااااااااااااااااااااااااااه الادميه انتزعت من قلوب اليهود
ومن قبلها انتزعت من قلوب الحكام العرب الى واقفين يتفرجوا وكان الى بيموتوا هناك دول مش بشر
مش مسلمين
مش عرب
يااااااااااااااااااااااااااااااااااااااااه على المراره الى جوايا وانا كل يوم بشوف كل ده
انا بطلت اسمع اخبار
اصلها بقت زى بعضها ومتكرره
هما جباروتهم بيزيد
واحنا فى المقابل ضعفنا وجببننا بيزيد
ومش عارفه احنا رايحين على فين
نرجع للى حصل
المعبر طبعا اتفتح رغم عن انف اى بنى ادم
وطبعا مبارك مكنش يقدر يمنعهم
طبيعى جدا جدا جدا
وعبر منهم الى عبر واخد منهم الى اخد معونات وطعام
المهم عدى اليومين
والمفروض المعبر دلوقتى اتقفل
يعنى هيسمح بس برجوعهم لغزه
طيب وبعدين
الازمه هترجع تانى
هل ده كان حل
ده كان مجرد حل مؤقت
او هو بالظبط مش حل
هو زى ما يكون قنبله فرقعت عشان تقول
لالالالالالالالالالالالالالالالالالالالالالالالالالا
لالالالالالالالالالالالالالالالالا للجباروت
لكن وبعدين
المطلوب دلوقتى هو ان العرب تاخد موقف
تهدد
تساعد
مش تقف وتخاف
المطلوب انهم يسمحوا بنقل معونات وامدادات
نقل قوافل طبيه مجهزه
لازم يكون لينا موقف ايجابى
كفايه سلبييييييييييييييييييييييييييييييييييييييييييه
زهقنا خلالالالالالالالالالالالالالالالالالالالالالالالالالالالاص
ونيجى بقى للجانب الاخر
اسرائيل وجباروتها
ياااااااااااااااااااااااااااااااااااااااه على اللاادميه والجباروت والطغيان
بعد ما حصل فتح الحدود
بتقول ابقوا بقى مدوهم بالوقود والكهربا والطاقه
وبردوا حصارهم مستمر
لالالالالالا وكمان بتحمل القاهره المسئوليه عشان سمحت للفلسطنيين بالعبور
هما عايزين نتحول لشياطين
لاحجار ملهاش قلوب
عايزينا ننسى تعاليم دينا واخلاقنا
ومنساعدش اخوانا
انا من هنا بقول لهم لالالالالالالالالالالالالالالالالالالا
لالالالالالالالالالالالالالالالالالالالالالالالالالا
والف مليووووووووووووووووووووووووون لالالالالالالالالالالا
مش هتقدروا تحولونا لاحجار
ولا تنسونا دينا ولا اخوانا فى فلسطين
مهما عملتوا ومهما ضعف حكامنا
هيجى يوم ونعرفكم مين احنا
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
خلاص خلص الكلام
كان لازم يكون لى موقف حتى ولو بمجرد كتابه بوست
شئ ربنا هيسالنى عنه اكيد
زى ما هيسال كل بنى ادم هو عمل ايه لما عرف الى بيحصل
واكيد لازم يكون لينا كلنا موقف ايجابى ونحاول نبعت لهم مساعدات ماديه
وندعيلهم
فهذا اضعف الايمان
