السلام عليكم ورحمه الله وبركاته
*******************
النهارده اول يوم فى 2008
يا ترى حاسس بايه بعد مرور السنه الى فاتت؟
هل حاسس انك حققت احلامك الى رسمتها
ولا حاسس انك فقدت احلام وادفنت تحت تراب 2007
هل حاسس ان 2008 هتبقى مختلفه عن 2007
اعتقد كل واحد دارت جواه اسئله كتيره اوى فى الليله الى فاتت
بصراحه انا دارت جوايا بعض الاسئله
مش اسئله كتيره بصراحه
لان كان جوايا رغبه بانى مفكرش اصلا فى الى حصل فى السنه الى فاتت
ولا ايه الى هيحصل فى السنه الجديده
ولا كان نفسى فى ايه ووصلت لايه وموصلتش لايه
طبعا دى اصلا مش طبيعتى
طبيعتى الدائمه هى محاسبه نفسى ومراجعتها
بس يمكن احساس بان كل شئ بقى مساوى للتانى
ومبقاش فى حاجه مختلفه
اوقات تجيلك فتره تحس ان كل شئ يساوى لاشئ
كل شئ =لاشئ
دى اخر جمله طلعت بيها من 2007
مش عارفه هل هتتغير فى الايام الى جايه فى 2008
ولا هتستمر
بصراحه مش عايزاها تستمر
لان استمرار اللاشئ ده وانعدام قيمه الاشياء والاحداث احساس فى منتهى الغباء
محتاجه اقعد مع نفسى واحاسبها على 2007
لان مينفعش ابدأ 2008 وانا متعلمتش دروس 2007
ماهو كل فتره فى حياتك لازم تطلع منها بدروس
لازم تستفيد منها
عشان تقدر تحس بان فى فرق بين الايام والسنين
عشان تخرج من مرحله الانعدام واللاشئ لمرحله الوجود والاهميه والاختلاف
مينفعش تعيش بمبدا مفيش فرق
عشان كده انا كتبت البوست ده
كتبته عشان اقف مع نفسى هنا فى مملكتى
وعشان اى حد يقراه يقول لنفسه
هو حصل ايه؟
وليه؟
وعملت كده ليه؟
وليه وصلت لده؟
وليه موصلتش لده؟
لازم نحاسب نفسنا
لازم نقف وقفه مع تلك النفس البشريه
ونحاسبها
نعلمها ونربيها ونادبها
عشان كده كان لازم اجى هنا واكتب الاسئله دى
عشان لازم اتوقف واحاسب نفسى
عشان متبقاش 2008 زى 2007
للاسف 2007 ضاع فيها حاجات كتيره اوى من احلامى
جايز حصل فيها بعض الاختلافات والتغيرات فى اسلوب الحياه
لكن المهم النتيجه النهائيه
منكرش انى اتعلمت كتير اوى منها
لكن اتوجعت كتير اوى فيها
الحمد لله على كل شئ
مينفعش تحس بقيمه لحظه الفرح الا لو عدت عليك ايام حزن
عشان تقدر تحس بالاختلاف وبقيمه الاشياء
مش عارفه الاسئله والافكار جوايا متلخبطه
ومازلت احتاج لاعاده ترتيب اوراقى
اهلا ب 2008 ومحاوله اعاده ترتيب الاوراق
11 comments:
السلام عليكم ورحمه الله وبركاته
اختى اسماء....ماشاء الله مدونتك جميله واللى انتى قولتيه ف البوست ده المفروض ان كلنا نعمله والمفروض كمان حساب النفس ده يكون يومى مش سنوى وأول بأول والمفروض كمان تتعاقب "فالنفس ان لم تشغلها بالطاعة شغلتك بالمعصية " ربنا يعافينا كلنا يارب واما بالنسبة لموضوع الاهداف ده ف دائما بالنسبالى مبقدرش احقق كل الاهداف ده بس الحمدلله على كل حال وان شاء الله ربنا يكرم الجميع
سلاااااام
اسما
عارفه يا حبيبتى مفروض اصلا اننا
نعمل محاسبه يوميه مش سنويه
بس والله مفيش وقت
كل اللى الواحد بيقدر عليه ان يحاول يراجع نفسه اول بأول واوقات كتيير بتفلت منا المحاتولات من زحمة الحياةبس الاكيد اننا ان شاء الله لابد ان نجعل من انفسنا شئ مختلف العام الحالى
ونستغفر ونحاول تغيير ما كان فى العام السابق
سمسمه كل سنه وانت طيبه
اسمااااااااااااء حبيبتى فينك ياقمر
انتى يابنوته تغيبى تغيبى وترجعيلنا ببوست توحفه
ربنا يبارك فيكى يااسموءه
كل عام هجرى وانتى بخير
هجرى واخدالى بالك انتى
هههههههههههههههههههههههه
بارك الله فيكى يابنوته
Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.
كل سنه وحضرتك طيبه وبألف صحه
انا يمكن اول زياره ليا هنا
بس لفتنى الأسم
تحياتى
وتقبلى مرورى
سلام
انا اول مرة ادخل المدونة بس جامدة اوي
وكلام رائع
اختى الحبيبه مستجده
نورتى المملكه
وفعلا كلامك مظبوط ان الواحد يحاسب نفسه يوميا مش بس سنويا
بس انا لما كتبت البوست كنت اقصد ان اوقات دوامه الحياه بتاخدنا وبتنسينا محاسبه انفسنا
عشان كده حاولت افكر نفسى انى لازم يكون لى وقفه مع نفسى من جديد
ربنا يهدينا لما يحب ويرضى
مامتى حبيبتى
كل سنه وانتى بالف خير
وحشااااااااااانى جدا جدا
وكلامك مظبوط يا امى
بس هنقول ايه ربنا يهدينا ونقدر نحاسب نفسنا اول باول
ومنسيبش الدنيا تاخدنا من الاخره
عاشقه حبيبتى
انا والله بغيب غصب عنى بسبب شغلى وظروفى الملخبطه
وبعدين طبعا كل سنه وانتى طيبه يا جميل عشان العام الهجرى
اكيد الهجرى طبعا
عسل والله يا عاشقه
منوره المملكه دايما
اهلا بيك يا تمرحنه
حقيقى المملكه نورت بزيارتك وبردك
كل سنه وانتى بالف خير
ودايما تنورى كل البوستات هنا
نداء
نورت المدونه ومتشره اوى على التعليق الجميل
والمملكه على ادها والله خالص
انا لسه بتعلم وبحاول اقول حاجه
واتمنى انها توصل لقلوب كل زوار المملكه
Post a Comment