Saturday, November 3, 2007

مستشفى الميرى ...الموت قادم لا محاله

السلام عليكم ورحمه الله وبركاته
________________
ترددت كتير اوى قبل ما اكتب التدوينه دى
حتى العنوان لغايه الان مش عارفه اختاره
بس كان لازم اكتبها
اصلى فاض بيا الكيل بصراحه
ببساطه نفسى اعرف الحل؟؟؟؟؟؟؟؟؟؟؟؟؟؟؟؟
وببساطه هتسالونى ايه هى المشكله يا بنتى اصلا عشان نقولك حل!!!!!!!!!!!!!!!!!!!!!!!!!ليكم حق تستغربونى
المشكله ببساطه
************************
العجز
*************************
ايوه العجز
ارواح تزهق امام عينك وانت واقف تتفرج وتعبير بسيط بوشك انك ال يعنى حزين ومتدايق
لحد امتى بقى هفضل عاجزه واتفرج وبس
معلش توهتكم معايا
المساله متعلقه بعجز مستشفياتنا
وخاصه مستشفى الميرى بالاسكندريه
******************************
عارفين الناس مسمينها ايه
مستشفى الموت
لازم الى يروح يموت
طيب هو الى بيروح بيموت ليه يا جماعه؟؟؟؟؟؟؟؟؟؟؟؟؟
ناس تقولك اهمال
وتقريبا معظم الناس بتقول كده
انا من وسط تجربتى الشخصيه هناك
بقولكم بعلو صوتى
مش الاهمال والله السبب
الاسباب كتيره عشان نكون ناصفين وعادلين
الاهمال ده جزء بسيط جدا جدا
تعالوا على البلاوى الاكتر
مفيش اصلا اماكن كافيه للعيانين
مفيش اصلا ادويه متوفره لعلاجهم
مفيش اصلا اجهزه عدله شغاله بما يرضى الله
المكان كله على بعضه غير ادمى للناس الى بصحتها
فما بالكم بالناس الى فقدت صحتها
مش بس كده الاسباب
لا
جهل الناس نفسهم
بيجوا فى اوقات متاخره جدا جدا من علاجهم
من الاخر هما لسه فاكرين يجوا
وطبعا لو دققت هتلاقى سبب تاخرهم فى طلب العلاج
ياما عن جهل
ياما نتيجه فقر
العين بصيره والايد قصيره
اذا
وصلت فى نهايه تفكيرى الى خلانى بجد افقد جزء من صوابى
مشكله مستشفى الميرى مشكله بلد بحالها
مشكله مصر كلها
لو روحت اى حته فى مصر هتلاقى نفس الاسباب مسببه مشكله تانيه خالص
خاصه باى مجال تانى
للاسف حال البلد كل يوم فى النازل
واحنا بنعمل ايه
ولا حاجه
ياما ناس مكبره دماغها اصلا
ياما ناس تتصعب اوى وتقول يا حرام حسبنا الله ونعم الوكيل
ياما بقى الى يعنى ربنا فتح عليه يجى فى مدونته ويكتب له كلمتين زيى كده مثلا
وخلاص
خلصت
لا فى حل ولا فى حاجه
ماشى وبعدين يعنى
انا بصراحه قررت اسافر
ماهو مفيش حل تانى ادامى
هغير الكون مثلا
الكون الى هو مصر تحديدا
محدش يقولى لنبدا بانفسنا
ماشى منا بدات
بس يعنى وصلت لايه
طحنت نفسى وعملت كل الى اقدر عليه
بس فى الاخر يعنى حصل ايه
ولا حاجه
جايه تلبيغه بعد الفجر
ممرضه بتتصل بالطوارئ تحت
لو سمحتى عايزين دكتوره تيجى بس تتاكد لنا ان الراجل مات
اطلعى يا سمسم معلش شوفى الراجل
طبعا الدكتوره بتقولها لى وهى بتدلعنى
طبعا منا مش عارفه افتح عينى ولا اقف على رجلى من تعب طول الليل
طبيعى تقولها بالطريقه دى عشان ارضى اطلع
طلعت سمسم الراجل الحمد لله مات
يلا اهو فضى مكان لغيره
عشان بردوا يجى يموت مفيش مشكله
بصوا انا مش يائسه
ولا متنرفزه
ولا زهقانه
ولا حاجه خالص
انا بس اصلى بكبر المواضيع
بعمل من الحبه قبه على راى الناس
معلش متاخدوش فى بالكم
اهو شويه كلام طابقين على نفسى وقولتهم
المملكه هنا اسمها طريق الامل
وللاسف ده كان املى وانا بصممها واعملها
بس سامحونى
انا والله اول لما بلاقى شعاع امل باجى واكتب عنه
بس لو بصيتوا لاشعه الامل الى كتبتها مقارنه بالموضوعات التانيه
هتبقى قليله اوى
بس غصب عنى
اصل مينفعش اضحك على نفسى وعليكم
كفايه كده بجد مش لاقيه كلام ولا عايزه اقول كلمه تانيه كفايه احسن

6 comments:

وائل مصطفى said...

فعلا اشعه الأمل قليله

مش بس هنا دة فى حياتنا كلها

نسمات الفجر الرقيقه دى بتقعد بس لحظات الفجر انما باقى النهار بيبقى كله رياح وعواصف مش نسمات خالص

الله يكرمك يا دكتورة الواحد اليومين دول مش ناقص وحاسس انة بيتلكك

ربنا يفك كل الكروب ان شاء الله

asmaa said...

باش مهندش وائل
انت بالذات عهدت منك التفاؤل والامل
وبعدين انا حاسه انك اليومين دول متدايق
صدقنى ان بعد العسر يسر
مين عارف
اظاهر انى لازم اتغير عشان الناس حواليا ملهاش ذنب تتاثر
وفعلا المفروض يكون فى شويه امل

ربنا يفرج همومنا وكروبنا جميعا
تفتكر الحل فين؟؟؟؟؟؟؟؟
اكيد جوانا
بس احنا الى تايهين عنه
يارب نلاقيه

Anonymous said...

فعلن والله الباش مهندس بيكتب وبتكلم كانه انا
لكن التى ماتت مش امه الحمد لله
والله متاخرنا ولا العين اصيره ولا حاجه هو الكلام اتجمرك انت مسفرتش ليه ذيك كتير فى البلد ولا ايه صدقة منك طريق الموت باين عليك سفير لعزرقيل ولا ايه
ده كل ما فوق التراب تراب انت اسد وانا حمل يعنى اجرى منك على فين اسمك ايه
تتشدق بالكلمة متعرفش ان بيها تهوا فى جهنم 70 خريفن
صحيح انت قلت ايه
كل ده كلام انت فاضى ولا ايه طيب الفاضى يعمل ايه
حسبنا الله ونعما الوكيل نعما المولا ونعما النصير
هو الاسد حكيته ايه خليك فى النتا فبه
واعلم ياباش
قفوهم انهم مسؤلون
وسنتك خضره انشاء الله
دنتا كلامك غريب مريب يعنى معرفش ااالك ايه كل ده كتبتو امتا باين عليك قاضى
رحمة الله على شهداء الميرى بسبب الاهمال وقلت الضمير والعلاج والاماكن اما الدكترا اصحاب القلوب الفلاذ متلقيش غبار لا لا لا غبار ايه
اطفال يواجهون المسؤلية كتر خيرهم
اهم بيتعلمو امال حنعمل ايه انا احمد الله ان وائل مطلعش دكتور كن انفض للكتابة برضة عن الجهل والفقر اهووو كتلر الله

Anonymous said...

انا اسف ياباش مهندس وائل قصت بكلامى صاحب الكلمة الاساسية الكلمة الي مكنش عارف لها عنوان
طلعت الدكتورة ذات الفجر الصبوح والخشوع والطموح فى رضا الله الغفور
كل عام وانتم بخير واخص بالذكر (سم) ويريتك تغيبي عن مدونتك كتير
اكيد حد عندك مربي الحية
كلامك وائف معلش اهو كلام فى الهوا مثل اصحاب الابراج فعلن الطب ليه ناسه
اكرر اسفي للمهندس وائل اعزه الله

Anonymous said...

ااصد مربي اللحية
اعفاء اللحية وحف الشارب
مش عارف الحيه ده جت منين

Anonymous said...

انا اسف ليكم سمحونى فراق الحبية امى البسنى نظارة النقد انا اسف معلش حولة احزف ما كتبت معرفتش ربنا يكفيكم شر الفراق
احبب من شأت فانك مفارقه وعيش ما شأت فانك ميت وافعل ما شأت فانك تجزى به
بااااى